२५ जेठ २०८२
बझाङ्ग:
समुद्री सतह देखि ९०० मिटर देखि ७०३५ मिटर सम्म उचाईमा रहेको मनोरम दृश्यहरुले मनै लोभ्याउने पश्चिम नेपालको हिमाली जिल्ला बझाङ्ग प्राकृतिक रुपमा निकै सुन्दर जिल्ला हो । नेपालको ईतिहासमा बझाङ्ग जिल्ला र बझाङ्गबासीहरुको नाम महत्वपुर्ण स्थानमा रहेको पाइन्छ । आफ्नै अलगै भाषा, भेषभुषा, रितिरिवाज, चाडपर्व रहेको बझाङ्ग जिल्ला प्राकृतिक रुपमा भरिपुर्ण जिल्लाका रुपमा आफुलाई चिनाउदै आएको छ ।
१२ वटा स्थानिय तह रहेको यो जिल्लामा २ वटा नगरपालिका र १० वटा गाउँपालिका रहेका छन भने विश्वमै परिचित खप्तड राष्ट्रिय निकुञ्जको केहि भाग समेत यस जिल्लामा पर्दछ । पर्यटन क्षेत्रका रुपमा विकसित खप्तड राष्ट्रिय निकुञ्ज जादा बिच बाटोमा पर्ने खप्तडछान्ना गाउँपालिकाको प्राकृतिक मनोरम दृश्य समेत अवलोकन गरी आनन्द लिन सकिन्छ ।
खप्तडछान्ना गाउँपालिकामा पर्यटनलाई थप बलियो बनाउनका लागी यस क्षेत्रका स्थानियहरुले होमस्टे व्यवसायहरु होटल व्यवसायहरु लगायत पर्यटन क्षेत्र संग सम्बन्धित व्यवसायहरुमा संचालन गरिरहेका पाईन्छन ।
नेपाल तथा विदेशका जुनसुकै स्थानहरुबाट सजिलै पुग्न सकिने पर्यटकिय क्षेत्रका रुपमा विकास हुदै गईरहेको उक्त क्षेत्रमा प्राय मानिसहरु खप्तड राष्ट्रिय निकुञ्ज घुम्नको लागी आउने गरेका पाईन्छन । खप्तडछान्ना गाउँपालिकाले समेत पर्यटन क्षेत्रमा विभिन्न कार्यक्रमहरु संचालन गरिरहेको छ । पालिकाले संचालनमा रहेका ७ वटा होमस्टेहरुलाई तालिमको व्यवस्थाका साथै विभिन्न भाडाकुडाँहरु सहयोग तथा खप्तड राष्ट्रिय निकुञ्ज जाने बाटोमा सुचनाकेन्द्रको स्थापना गरी पर्यटकहरुलाई सहयोग गरिरहेको बताउछन, खप्तडछान्ना गाउँपालिकाका सुचना प्रविधि अधिकृत महेश कुमार खत्री ।
