जेठ-४, कञ्चनपुर — कञ्चनपुरको दोधारा चाँदनी नगरपालिका–५ सेराटोलमा एक पुरुष आफ्नै घरभित्र घाँटी रेटिएको अवस्थामा मृत फेला परेका छन्।
आज बिहान करिब ५ बजे ४५ वर्षीय लिलाराम सुनार आफ्नै घरको कोठामा घाँटी रेटिएको अवस्थामा फेला परेको प्रहरीले जनाएको छ। मृतककी श्रीमती यशोदा सुनारले घटना देखेपछि इलाका प्रहरी कार्यालय दोधारा चाँदनीमा खबर गरेकी थिइन्।
सूचना प्राप्त हुनासाथ इलाका प्रहरी कार्यालय दोधारा चाँदनीबाट ७ जनाको प्रहरी टोली घटनास्थलतर्फ खटिएको थियो। हाल घटनास्थलमा मुचुल्का उठाउने कार्य भइरहेको प्रहरीले जनाएको छ।
घटनापछि प्रहरीले मृतककी श्रीमती यशोदा सुनारलाई नियन्त्रणमा लिई अनुसन्धान अघि बढाएको छ। घटनाबारे थप अनुसन्धान भइरहेको प्रहरीले जनाएको छ।
टिप्पणी