काठमाण्डौ, ०९ असोज २०८३-एसियाली खेलकुदअन्तर्गत टी-२० क्रिकेटको समूह ‘ए’ को खेलमा नेपालले अफगानिस्तानलाई ५ विकेटले पराजित गरेको छ। अफगानिस्तानले दिएको १०३ रनको लक्ष्य नेपालले १७.२ ओभरमा ५ विकेट गुमाएर पूरा गर्यो।
टस जितेर पहिले ब्याटिङ गरेको अफगानिस्तानले निर्धारित २० ओभरमा ७ विकेट गुमाउँदै १०२ रन मात्र बनाउन सक्यो। अफगानिस्तानका लागि एफ. खानले ३३ बलमा ३० रन र एन. जादरानले ४० बलमा ३० रन बनाए। त्यस्तै एन. खारोटे १७ रनमा अविजित रहे।
नेपालका लागि कशल भुर्तेल र ललित राजवंशीले घातक बलिङ गरे। कुशल भुर्तेलले ४ ओभरमा १ मेडनसहित २१ रन दिएर सर्वाधिक ४ विकेट लिए। ललित राजवंशीले ४ ओभरमा १३ रन खर्चिँदै ३ विकेट चटकाए।
१०३ रनको सामान्य लक्ष्य पछ्याएको नेपालको सुरुवात भने खराब रह्यो। ओपनर कुशल भुर्तेल (०) र आसिफ शेख (२) सस्तैमा आउट भए। त्यसपछि सन्दीप जोरा र रोहित पौडेलले नेपाली पारिलाई सम्हाले।
सन्दीप जोराले ३५ बलमा ३ चौका र १ छक्काको मद्दतले ३४ रनको योगदान दिए। कप्तान रोहित पौडेल ३२ बलमा ३३ रन बनाएर अविजित रहे। दीपेन्द्र सिंह ऐरीले १५ रन बनाए भने गुल्शन झा १ रनमा अविजित रहे। नेपालले १६ बल बाँकी छँदै ५ विकेटको क्षतिमा १०३ रन बनाएर जित सुनिश्चित गर्यो।
टिप्पणी