चैत्र १९, कञ्चनपुर — सेवाग्राहीलाई अनावश्यक हैरानी दिएको आरोपमा कञ्चनपुर प्रहरीले ७ जनालाई नियन्त्रणमा लिएको छ।जिल्ला प्रशासन कार्यालय कञ्चनपुरका अनुसार मिति २०८२ चैत १९ गते दिउँसो करिब २:४० बजे भीमदत्त नगरपालिका–४ स्थित जिल्ला प्रशासन कार्यालयको गेट अगाडि सेवाग्राहीलाई तनाव दिइरहेको भन्ने सूचना प्राप्त भएपछि प्रहरी टोली खटिएको थियो। उक्त स्थानबाट ४ जनालाई नियन्त्रणमा लिई आवश्यक अनुसन्धान थालिएको जनाएको छ।
नियन्त्रणमा परेकामध्ये बेदकोट नगरपालिका–५ धरमपुर बस्ने सालम बोहरा, दिल बि.क., सागर घर्ती र दिपेन्द्र कुमार बोहरा रहेका छन्। उनीहरू विभिन्न अनलाइन सेवासम्बन्धी कार्यमा संलग्न रहेको बताइएको छ।यसैगरी, सोही दिन अपराह्न करिब ३:३० बजे भीमदत्त नगरपालिका–४ स्थित यातायात व्यवस्था कार्यालय तथा मालपोत कार्यालय अगाडि सेवाग्राहीलाई हैरानी दिइरहेको भन्ने अर्को सूचनापछि प्रहरीले थप ३ जनालाई नियन्त्रणमा लिएको छ।
दोस्रो घटनामा बेदकोट नगरपालिका–६ बस्ने कपिल जोशी, भीमदत्त नगरपालिका–१८ बस्ने हिमांशु चन्द र भीमदत्त नगरपालिका–५ बस्ने कैलाश सुनारलाई नियन्त्रणमा लिइएको छ। उनीहरू पनि अनलाइन सेवा सम्बन्धी कार्यमा संलग्न रहेको जनाइएको छ।प्रहरीले नियन्त्रणमा लिइएका सबै व्यक्तिमाथि आवश्यक अनुसन्धान जारी रहेको जनाएको छ।
