२३ पुस, २०८२
काठमाडौं:
आईसीसी पुरुष टी–२० विश्वकप २०२६ का लागि नेपाल क्रिकेट संघ (क्यान) ले नेपाली राष्ट्रिय टोलीको घोषणा गरेको छ। भारत र श्रीलंकामा आयोजना हुने विश्वकपका लागि रोहित पौडेलको कप्तानीमा १६ सदस्यीय टोली सार्वजनिक गरिएको हो।
घोषित टोलीको उपकप्तानमा दिपेन्द्र सिंह ऐरी रहेका छन्। टोलीमा अनुभवी र युवा खेलाडीको सन्तुलित संयोजन गरिएको छ, जसबाट विश्वकपमा नेपालले प्रतिस्पर्धात्मक प्रदर्शन गर्ने अपेक्षा गरिएको छ।
घोषित टोलीमा कप्तान रोहित पौडेल, उपकप्तान दिपेन्द्र सिंह ऐरी, सन्दीप लामिछाने, कुशल भुर्तेल, आसिफ शेख, सुन्दीप जोरा, आरिफ शेख, बसर अहमद, सोमपाल कामी, करण केसी, नन्दन यादव, गुलशन झा, ललित राजवंशी, शेर मल्ला र लोकेश बम रहेका छन्।
क्यानले टोली छनोट गर्दा हालको प्रदर्शन, अनुभव र फिटनेसलाई आधार मानेको जनाएको छ। विश्वकपमार्फत अन्तर्राष्ट्रिय क्रिकेटमा नेपालको उपस्थितिलाई थप मजबुत बनाउने लक्ष्यसहित टोली घोषणा गरिएको क्यानको भनाइ छ।
टिप्पणी