११ कार्तिक २०८२
बिष्णु दत्त जोशी
कञ्चनपुर :
कञ्चनपुरका आरक्ष पिडित समुदाय लगातार रुपमा आफ्नो मोडालिटि परिवर्तन गर्दै आन्दोलनमा छन । बि स २०५८ साल देखि उनीहरु घरबार विहिन अवस्थामा छन । तत्कालिन शाहि सरकारको पालामा निकुञ्ज विस्तारको नाममा निकुञ्ज वरिपरि बसोबास गरिरहेका परिवारहरुलाई विस्थापित गरेको थियो । व्यवस्था परिवर्तन देखि सरकार परिवर्तन भईरहेको समेत बर्षौ समय भईसक्यो तर आरक्ष पिडित अझैपनि आन्दोलनमै दिन कटाईरहेका छन । सरकारबाट विभिन्न आयोगहरु गठन भए पनि उनीहरुबाट प्रतिवेदन बाहेक अन्य कुनै काम हुन नसकेको आरक्ष पिडितहरुको गुनासो मात्रै रह्यो ।
आरक्ष पिडितहरु हिजो आज जिल्ला प्रशासन कार्यालय अगाडिको खाली चउरमा प्लाष्टिकका टहराहरु बनाएर दबाव दिईरहेका छन । उनीहरु आश्वासनबाट थाकेको र अब उनीहरुलाई निष्कर्ष चाहिने उनीहरुको बुझाई रहेको छ ।
