११ पुस, २०८२
कञ्चनपुर:
कञ्चनपुरको भिमदत्त नगरपालिका वडा नं. १८ स्थित महेन्द्रनगर बजारको गल्ली नम्बर ५ मा रहेको पर्वत होटलमा जुवा–तास खेल भइरहेको भन्ने गोप्य सूचनाका आधारमा जिल्ला प्रहरी कार्यालय कञ्चनपुरबाट खटिएको प्रहरी टोलीले छापा मारेको छ।
साझँ करिब ४:३० बजेको समयमा गरिएको छापामारीका क्रममा होटलको माथिल्लो तलामा जुवा–तास खेलिरहेका ७ जनालाई पक्राउ गरिएको हो। उनीहरूको साथबाट नगद रु. २२ हजार १ सय १५ रुपैयाँ बरामद गरिएको प्रहरीले जनाएको छ। घटनाबारे थप अनुसन्धान भइरहेको जिल्ला प्रहरी कार्यालय कञ्चनपुरले जानकारी दिएको छ।
टिप्पणी