३१ असोज २०८२
भारत-श्रीलंकामा आयोजना हुने टी२० विश्वकप-२०२६ मा छनौट भइसकेको नेपालले आज समोआसंग सुपरसिक्सको अन्तिम खेल साझँ ४:१५ बजे देखि ओमानमा खेल्नेछ ।
छनौट अवधिभरी नै अपराजित रहेको नेपाल र एउटै खेल समेत नजितेको समोआको खेलले छनौटको ट्रफी नेपालले ल्याउने वा नल्याउनेबारे निर्णायक हुनसक्ने सम्भावना रहेको छ । ओमानले आज दिउँसो हुने खेलमा जापानलाइ राम्रो रनरेटले पराजित गर्यो भने ओमानको समेत ८ अंक हुनेछ भने फेरि एकचोटी अंक तालिकाको शिर्षमा जाने सम्भावना रहेको छ । समोआले नेपालसंग जित्ने कुनै आधार त छैन तरपनी घरेलु टोलि ओमान भने केही चमत्कार भएर समोआले जितेमा आफू आफ्नो घरेलु मैदानमा ट्रफी उचाल्ने आशामा रहनेछ ।
नेपाल र समोआको खेल संगै टी२० विश्वकप एसिया तथा इष्ट एसियाका खेलहरु समेत समाप्त हुनेछन । यसअघि नै विश्वका लागि एसिया तथा इष्ट एसियाका लागि ३ टोली छनौट भइसकेका छन, अर्थात श्रीलंका र भारतले सयुक्त रुपमा आयोजना गर्ने टी२० विश्वकपमा सहभागी हुने सम्पुर्ण टोलीको टुङ्गो लागिसकेको छ ।
