धनगढी मा प्रथम प्रादेशिक लोक भजन प्रतियोगिता २०८१ सम्पन्न
धनगढीको रामजानकी मन्दिरमा सुदूरपश्चिम प्रज्ञा प्रतिष्ठानद्वारा आयोजित प्रथम प्रादेशिक लोक भजन प्रतियोगिता-२०८१ सम्पन्न भएको छ। प्रतियोगितामा कञ्चनपुरको भीमदत्त नगरपालिकास्थित राधेश्याम भजन मण्डलीले प्रथम स्थान हासिल गर्दै नगद २० हजार रुपैयाँ र प्रमाणपत्र प्राप्त गरेको छ। २५ टोलीको सहभागिता रहेको उक्त कार्यक्रममा सुदूरपश्चिम प्रज्ञा प्रतिष्ठानका उपकुलपति टिएन जोशी प्रमुख अतिथिका रूपमा सहभागी हुनुहुन्थ्यो।
