२२ भाद्र २०८२
कञ्चनपुर :
निर्माण व्यवसायी संघ कंचनपुरको निर्वाचनमा व्यवसायी पुष्पराज अवस्थी अध्यक्ष पदमा वर्तमान अध्यक्ष समेत रहेका निरन्जन प्रसाद भट्ट पराजित गर्दै नयाँ कार्यकालमा अध्यक्षको लागि बिजय भएका छन ।
कंचनपुर निर्माण व्यवसायी संघको भदौ २० र २१ गते सम्पन्न भएको १५औं जिल्ला अधिवेशन कञ्चपुरमा मात्र नभइ देशभरिनै चर्चामा समेत रहेको थियो । नेपाल सरकारका गृहमन्त्री रमेश लेखकले कार्यक्रमको उदघाटन गर्दा यो अधिवेशनले देशभरिनै चर्चा पाएको हो । अधिवेशनबाट अध्यक्षमा पुष्पराज अवस्थी सहित बरिष्ठ उपाध्यक्ष देव बहादुर चन्द , उपाध्यक्ष यज्ञराज बैज, महासचिव देबि दत्त भट्ट, सचिव बृज बहादुर चन्द, कोषाध्यक्ष तेज बहादुर चन्द र सह-काेषाध्यक्ष हेम महरा नयाँ कार्यसमितिको लागि चयन भएका छन ।
निर्माणको नेतृत्व समाल्दै गर्दै अध्यक्ष पुष्पराज सहितको कार्यसमितिलाइ चुनौतीका रुपमा आफुले अध्यक्ष पदको उम्मेदवारी दिदै गर्दा गरेका सकल्पहरुनै प्रमुख चुनौती हुनेछन । उम्मेदवारी घोषणाको क्रममा अध्यक्षमा विजयी भएका अवस्थीले कंचनपुरमा निर्माण सम्बन्धी ल्याबको समस्या समाधान गर्ने , जिल्लामा रहेका २९८ जना व्यवसायीहरु मात्र संघमा आवद्ध भएका र आफुले जिल्लाका बढी भन्दा बढि निर्माण व्यवसायीहरुलाइ आबद्द गराउने तथा आफुले निर्माण व्यवसायबाट बनाएको हैसियतमा नै साना व्यवसायीहरुको समेत बनाउने प्रयास गर्ने भन्दै आएका थिए ।
आफ्नो प्यानल दोश्रो कार्यकालको लागि नलडने घोषणा नै गरिसकेका अवस्थी तथा प्यानलमा भएका अन्य पदाधिकारीहरुको ३ वर्षे कार्यकालमा आफ्नो घोषणामा कति सम्म सफलता पाउनेछन भन्ने कुरा आगामी दिनहरुमा देखिने छ भने कार्यकाल सफल रुपमा सम्पन्न गर्नको लागि के कस्ता नीति तथा योजनाहरु लिएर अगाडि बढनेछन भन्ने बिषय निर्माण व्यवसायमा आबद्ध सबैको लागि चासोको बिषय रहनेछ ।
