कञ्चनपुर
२१ साउन २०८२
नेपाल-भारत सिमामा रहेको महाकाली नदिमा जलस्तर बढेपछि महाकाली नदिमा रहेको बनबसा पुलमा हिजो बिहान ६:०० बजेबाट चारपाङग्रे गाडीहरुको आवत जावत बन्द गरेको थियो । कञ्चनपुर लगायत सुदुरपश्चिम प्रदेशका पहाडी जिल्ला घर भई विभिन्न कामका लागि भारत आवत-जावत गर्ने, भारतबाट नेपाल विभिन्न कामका लागि आई घर फिर्ता हुने लगायतका मानिसहरु दुई दिन देखि लगातार रुपमा समस्यामा परेका छन ।
हिजो बिहानबाट भएको बन्दबाट दुई तर्फ रोकिएका चारपाङग्रे गाडीहरु हिजो साझ भारतिय पक्षले यात्रुहरुको समस्यालाई ध्यानमा राखि केहि समय चारपाङग्रे गाडी आवत-जावत गराएको थियो ।
गाडीको आवत-जावत केहि समयका लागि खुलाइएपनि पानीको जलस्तर लगातार रुपमा १ लाख क्युसेक भन्दा माथि भएका कारण चारपाङग्रे गाडीको आवत जावतमा पुन रोकिएको छ ।
