कञ्चनपुर भन्सारमा गाडी लिलाम हुदै

महेन्द्रनगर – २०८२ जेठ ७

भन्सार कार्यालय गड्डाचौकी, कञ्चनपुरले भन्सार छलि, चोरी निकासी/पैठारी अभियोगमा विभिन्न समयमा पक्राउ परेका सवारी तथा ढुवानीका गाडीहरुको लिलाम खोलेको छ । २०८२, जेठ ०६ गते पहिलो पटक सुचना जारी गर्दै भन्सार कार्यालय गड्डाचौकी कञ्चनपुरले लिलामका लागी २१ दिने सुचना प्रकाशित गरेको छ । उत्पादन मोडल सन २००५ देखि सन २०२१ सम्मका सवारी तथा ढुवानी साधनहरु जम्मा १८ वटाको लागी लिलाम प्रक्रियामा रहेका छन, जसमध्ये ९ गाडी चलाउने योग्य अर्थात यातायात व्यवस्था कार्यालयमा दर्ता हुने गरी र बाकी ९ वटा गाडी यातायात व्यवस्था कार्यालयमा दर्ता नहुने गरी कवाडमा जाने गरी लिलाम हुन लागेका हुन । भन्सार नियमावली २०६४ को नियम ३५(१) अनुसार लिलाम बिक्रीको व्यवस्था रहेको छ ।

विभिन्न कारणमा यसरी भन्सार प्रक्रियामा परि लिलाम भएका गाडीहरुबाट समेत देशको राजश्वमा वृद्धि हुने गर्दछ । यस अघि जम्मा भएका गाडीहरु समयमा लिलाम प्रक्रिया नभएको प्रति गुनासो समेत भईरहेको स्थानियहरुको रहेको थियो ।

यातायात व्यवस्था विभागमा दर्ता हुने गरी लिलाम हुने सवारी साधनहरुको विवरण